آه يا بلد

آه يا بلد كل اللى فيها كويسين مابيغلطوش
أمال إيه ناس أصيلة مأصلة مايتنسوش

اللى ظلم ... شاف ده حقه ولازم مايسيبوش
واللى اتظلم ... خاف يعترض أحسن فيوم يروح فشوش

لو حرامى فيوم سرق هايجيبوه مايهمكوش
بس لو كان ابن بيه هايسيبوه ماتقلقوش

ناس جميلة معندهمش غير وشوش

ناس بتفرح بالحجاب الكَت مايختشوش
وناس تقول إحنا كدة ويتفلق اللى مايعجبوش

مالخناق على القهاوى لاجل ماتش مايتعبوش
مابيعرفوش
مالفن إلا الغُنا وغيره مايسمعوش
واللى منهم معترض على الغُنا
بس لاجل زمنه الجميل ما راح خلاص

الغَنى علشان معاه خلاص منكلموش
والفقير كل حلمه يهاجر
وهوب مانشوفوش

التجارة بقت كساد عيب نقول عليه فساد
ده احنا حتى مانعرفوش
والصناعة مالها حلوة ... ده الملبس واللبان مايتندغوش
وزراعتنا بقت فواكه ... عشان بنهضم اللى مابناكلوش

إحنا كدة طول عمرنا
فى اللى عنده
واللى معندوش

القريب من ربنا
بإذن الله خلاص سِلِم

والبعيد عن ربنا قال ربنا عايز كدة ... وربنا مابيظلموش

آه يا بلد كل اللى فيها كويسين مابيغلطوش
ناس أصيلة مأصلة مايتنسوش